Uż tu móm RSS!:)
Archiwum:
- październik 2007
- wrzesiyń 2007
- sierpiyń 2007
- lipiec 2007
- czerwiec 2007
- maj 2007
- kwieciyń 2007
- marzec 2007
- luty 2007
- styczyń 2007
- grudziyń 2006
- listopad 2006
- październik 2006
- wrzesiyń 2006
- sierpiyń 2006
- lipiec 2006
- czerwiec 2006
- maj 2006
- kwieciyń 2006
- marzec 2006
- luty 2006
- styczyń 2006
- grudziyń 2005
- listopad 2005
- październik 2005
- wrzesiyń 2005
- sierpiyń 2005
- lipiec 2005
- czerwiec 2005
- maj 2005
- kwieciyń 2005
- marzec 2005
- luty 2005
- styczyń 2005
- grudziyń 2004
Zaolziański blogi:
Nie-zaolziański blogi:
Offline czyli (wirtualnie) mortwy
niedziela 21.1.2007 01:07
Pry sóm ludzie, co uż byli w połowie drogi na onen świat a wrócili se. Jo był 14 dni na onym świecie wirtualnie a teraz żech uż zaś je zpatki, uż zaś online. Z tymi dwóma babkami jehowkami, kiere mnie odwiedziły przed Śfiyntami to nic wspólnego nimiało, i choć wiadomość niosónco one poselstwo mojej wirtualnej śmierci klinicznej też była po angielsku. Nie chcym se tu teraz o tej sprawie rozpisywać, możne eszcze bedym mioł na to dość czasu, jak bedym z jej powodu siedzioł w wiynziyniu.
Możne. Możne ni, możne bedym mioł szczynści albo bedym mioł szczynści a dobrych prawników po sfoi strónie.
Raczy ale spolygóm yny na to szczynści...
W każdym razie żech chcioł sfoich wochinkowatych wiernych czytelników uspokoić. Pomimo fali nagłych odejść zaolziańskich blogów na ów świat mój blog jeszcze nie odszedł! Chfile żech o tym, że go tam niechóm pójść, rozmyśloł. Prziznowóm.
Ale potym żech se wyobraził ty samotne wieczory z laptopym a winkym po rynce a wylynkołch se...
Co bedym bez bloga robił? Pić winko mogym aji tak, ale pić winko u blogowanio? To je to, co by mi brakowało!
A oprócz tego, nic mnie nie pocieszy tak bardzo, jak se rano po trzyźwu poczytóm wasze komentarze! No, możne mnie troche bardziyj pocieszy, jak se po trzyźwu poczytóm sfój wpis. Ale wasze komentarze też sóm dobre! A co mnie też cieszy, je z obecności waszych komentarzy pośrednio płynóncy fakt, że aspóń nikierzi z was umióm rachować na palcach.
Ale aby tu nie było tak wesoło. Tyntu wpis mo być kapke smutny, bo mi je kapke smutno, że żech teraz nima kaj indzi - tam, kaj se dzisio wieczór fakt pije.
Także bych przy okazji swojego zaś-po-miesióncu blognycio chcioł poprosić o minute wirtualnego cicha (starczy jak zciszycie Winamp) za tych, kierym se nie udało wrócić, czyli mianowicie: za blog Danielki, za Gosin blog (za tyn 2 minutki, bo odeszeł uż 2 razy) Dali za Hadudczyn jabkowy blog a Waców panelag a w kóńcu i za blog sam(ozwan)ego Zaolziaka, kiery by mnie na pewno za dzisiejszy winkym pachnóncy wpis pochfolił.
Zalinkowołch bych na ty blogi, ale wiynkszość z nich uż nie istnieje ani fizycznie, także se aspóń idym naloć dalszóm fifke winka a wypić za ich pamióntke!
pewny link | komentarze (11)
© fszystki fpisy sóm moje:) Chester