Wiynkszość z was uż naisto wiy, że śp. Oskar dzisio w nocy odeszeł na wieczność a zamiast niego teraz mómy Vodafone. Nimogym se pómóc, ale brzmi mi dość nimiecko, także fuj, fuj, fuj...
Ale pokiel mi nie zruszóm Odepiš, tak uż nie bedym wiyncy mamroł:)
Na pewno ale uż mało gdo z was wiy, żech dzisio doł zapocztowy test z C++. Je sfojóm formóm skoro jako wajco wajcu podobny do tego, kiery żech w czerwcu robił z Ceczka. A miołech aji stejne szczynści jak wtedy - zaś żech wyfasowoł przikład, z kierym żech nimioł problemów. Starczyła mi na niego połówka z 2,5 godzinki, co my mieli do dyspozycji. Sice żech tym razym odchodzoł aż drugi, ale brołch to sportowo:)
A ad ty smski w tytule... Zjiściłch, że na wyraz smski se mi asi przed miesióncym na blog dostało pore ludzi z wyszukiwarki na onet.pl:) A toch był aż na jaksikej pióntej strónce... Tak żech se prawił, że go muszym w ramach SEO (odborny termin, możecie ignorować, biercie to po prostu za cosi moc chytrego;) kapke wykorzystać:) Ale nie bedym to wykorzystywoł yny tak bez powodu, także dwie krótki smskowe story - o smskach, co mnie dzisio roześmioły:
Piyrfszo mi prziszła rano o 10., ledwo żech był stanóty:
Niespej, potrzebujym sie naplanować dziyń:)
Asi 2 godz. rychli mi ta osoba pisała, o kierej se teda dzisio spotkómy...
Drugo prziszła pół godzinki przed zapocztym:
(...) zmakniesz to lewom zadiom:)
Śmiołch se zaś...:) Co se Ci ludzie o nas informatykach myślóm, że mómy klawiaturki w du***???
No a z powodu tego, że teraz sóm na fali zagadki typu, o kim że to piszym a jo nimogym zustać w tyle (albo zadi, jak kto woli), tak możecie godać, gdo mi to pisoł;) Nagrode jaksióm wymyślym, aż to gdosi zgodnie;) A zdradzym akurat tela, że to je jedna osoba. A abych wóm ganc poradził, M. to nima - od ni skoro fórt dostowóm smski, kiere mnie roześmiejóm...;)
pewny link | komentarze (11)
© fszystki fpisy sóm moje:) Chester