Uż tu móm RSS!:)

Archiwum:

Zaolziański blogi:

Nie-zaolziański blogi:

Fajny wieczór

wtorek 30.8.2005 01:00

Dzisioch (fczora:) był popiyrfsze na wodnim fusbalku a była to fakt dobro rzeźnia:) A to my (chłopi) se eszcze haltowali, bo my byli 4 syncy a 4 baby... Ale muszym prziznać, że nikiedy żech to likwidowoł baba nie baba...a że nikiedy mie baby tak zlikwidowały, że aj syncy by za to na siebie byli pyszni:) Abych dopełnił aj jaksi dane statystyczne: tak boli mnie nakopnóty nart (nie wiym, jako to je po polsku) na lewej nodze, kolano (naszczynści też nakopnóte, ni wazy, z kierymi żech uż mioł problemy) też na lewej nodze a nadgarstek na lewej rynce... Prostie zażitek, kiery se człowiek dłógo zapamiynto:)

Po fusbalku u mnie była M., regenerowali my przi winku a Madagaskarze - moc se mi podoboł:)

A po Madagaskarze eszcze nachfilke zustała... (też se mi moc podobało;)

pewny link | komentarze (2)

Po ceście do chałpy

czfortek 25.8.2005 11:34

To se mi w Pradze stać nimoże...:) Baran czy owca? Akurat nie wiym, czy to je baran albo owca... Niepoznocie to gdo?:)

pewny link | komentarze (2)

Whatever

wtorek 23.8.2005 09:13

Przed pore dniami se dosłowa z niczego nic naszło jedno moje stracóne cedlo z empetrójkami. Piszym jedno, bo jich momentalnie móm 11 (+ min. 2 dalsze stracóne - nazywajóm se CZ a PL - gdybyście na nich kaj we waszym bordelu narazili;) a asi w nejbliższym czasie jaksi dalsze przibeje - jak uż żech był fczora w Koeximpie, takech nakupił cedla, majóm tam fest łacno:)
No a dzisio żech se nareszcie dostoł ku tymu, se go posłechnyć - móm na to cały roboczy dziyń, wypado to na idealnóm pogode:) ...także se to użyjym:) Aby było jasno - to cedlo żech stracił tak kajsi w drugoku (możne trzecioku) na gimplu, także to uż je feeest dłógo, co se my nie słyszeli:) A muzyka to je dobro, z młodych gimplowskich roków - Deftonsi, Linkin Park, Papa Roach, Limp Bizkit itd. - ganc se mi przipomino lyżak albo wycieczka w piyrfszoku, jak to słyszym...

pewny link | komentarze (3)

Obróna diakrytyki

poniedziałek 22.8.2005 11:04

Fszystkim tym, kierych dziwi, że mie na blogu bawi pisać z diakrytykóm...

Robił żech potisk na obozowe tryczka (zbyła nóm forsa z obozu, tak jóm trza jaksi utracić:) a na tylnej strónie tryczek miały być wypisane nej obozowe hlaszki - je jich asi 10, bardzo różnych - po slowensku, po naszymu, po angielsku... Niż żech sfoje wypociny uznoł za gotowe, tak żech minimalnie 5 razy kóntrolowoł, jeśli to móm bezbłyndnie, tzn. bez przeklepów a s haczykami a kryseczkami tam kaj trza. Ale...
Jak żech to dzisio rano w Koeximpie oddowoł, tak naszczynści CD na kierym żech to mioł jaksi haprowało (asi tymu, żech to dopoloł na jaksi stare CD - aji Nero mi przi tym dopolaniu spadowało, poliłch to nakóniec przez NTI CD Maker - ale to je jedno) Tak żech dostoł nowe CD a hned to wypolił eszcze roz (tu muszym zaznaczyć - laptop je super wiec:) No a naszczynści żech przi tym polyniu eszcze Zuzce doł omrknóć, czy se ji to zdo OK... a oczywiście niezdało - teda zdało, aż na jedyn chybiejóncy haczyk w "bud si easy alebo nie si".
A to żech to fakt pore razy kóntrolowoł - po prostu uż żech w tym błónd nie widzioł. Bo przeca bud je buď...
Tak żech hned polił eszcze roz...:)

A eszcze cosi: Zuzi, dziynka;)

pewny link | komentarze (6)

Przeprowadzka

środa 17.8.2005 13:26

Przekludziłch se - sieciowo:) Do was to je praktycznie niewidoczne (pomijajónc fakt, że blog zaś jedzie), ale zmiyniłch miejsce zamiyszkania sfoich strónek - od pipni.cz żech przeszeł ku websupport.sk.
Na pipni mnie srali uż delszy czas, głównie wypadki webservera bywały czynste. Sice ostatnim czasym se mi to zdało lepsze, niż np. przed rokym, ale: totalnie mnie nasrali, jak 2 tydnie po tym, coch se nauczył mod_rewrite a na blogu go sprowoznił, tak go na freehostingu zakozali (wspólnie z inszymi sztuczkami, kiere idzie robić przez .htaccess). Także na pipni uż ani nie pipnym...:)
Mój nowy webhosting mi polecił jedyn (niestety uż bywały) kolega z matfyzu. A zacim se go chfolym, móm tu fszystko to, na co żech był zwykły na pipni (PHP, MySQL, subdomeny, atd.), nawiyncy bez ograniczeń miejsca (trafficu myślym też, ale nimach se stopro pewny). A móm go zadarmo! - przez freeweb.sk. Sice za to muszym mieć na strónkach reklame na jejich webhosting, ale może być ganc w dowolnej formie (aji tekstowej!) a nawiyncy żech jim je dość tak wdziynczny, także rod jich aspóń ciut rozreklamujym:)
Bo zacim absolutno spokojenost...:) aktualizacja 23.8.2005 Zapómniołch eszcze na jednóm ważnóm rzecz - uż zaś mogym korzystać z smtp servera, to se całkiym godzi:)

pewny link | skomentuj

(mój) VINIS.cz

poniedziałek 1.8.2005 01:02

Do tych, kierych ciekawi moja aktualno praca - kuknicie na vinis.chesio.com.

Je to fórt dość pracownio wersja (i choć nikiere czynści uż se moc nie zmiynióm), ale niechce se mi jóm nijak bliży komentować, za 9 godzin jadym(y) na obóz, stowóm za 6...
A oprócz tego, czymu zbytecznie robić 2 razy to samo - przed chfilkóm żech posyłoł maila do Vinisu w tej samej sprawie. Także jeśli was to zajimo... (tyn jynzyk je straszny, prziznowóm, ale je mi gupi pisać 'stopro' po naszymu, jak pani Basia se też zy mnóm dycki staro pieknie po polsku mówić:) A 'stopro' po polsku bych to pisoł eszcze jutro rano...

Dobry wieczor,
na adresie http://vinis.chesio.com mozna znalezc to, co zech prezentowol w zeszlym tygodniu:

Chciolbych glownie zwrocic uwage na on-line katalog i vyhledavani, mniyj wiyncyj uz je gotowe - brakuje tylko stronka, kiero pokazuje detail oraz 'moznosti zobrazeni' - to bedzie stronka z mozliwosciom wyboru (bedzie to wspolne dlo katalogu i vyhledavani):
1. zobrazeni (normalne katalogowe z nahledami - tak jak to je teraz) albo tabulkowe (bez nahledow, z popisym)
2. ilosc pokazywanych wynikow (towaru) na stronke
3. razeni - podle oznaceni albo podle ceny.

Stronka 'o nas' tez jeszcze nie jest kompletno - brakujom jaksi aktualne teksty oraz ta fotogaleria. Tymczasym tam tez nima kontakt, ale dodani go je kwestiom godzinki, niestety tej mi zabraklo:)

Oprocz 'uvodni' stronki juz tam nic ekstra do zobaczynia nima, te zmiany graficzne, na kierych se my domowiali tymczasym nie som gotowe, ale kolega grafik uz na nich pracuje.

Eshopu tymczasym tez nima:)

Chciolbych eszcze zaznaczyc, ze tymczasym tego nie widac, ale stronki uz som robione dwujynzycznie (na tyle, na ile potrafiym:) Takze z wersjom angielskom nie beje zodnej dalszej roboty (oprocz (do)tlumaczynio oczywiscie)

Nie fszystki obrozki towaru som nagrane, takze w rzeczywistosci ich tyle nie brakuje.

Chester

P.S.
Moze wystompic jaksi problem z bazom danych, niestety moj (darmowy) hosting nima 100% spolegliwy... W takim wypadku jedyno mozliwosc je zkusic to puzni, wiynkszosciom do kilku godzin zas fszystko jedzie.

pewny link | komentarze (4)

© fszystki fpisy sóm moje:) Chester