Uż tu móm RSS!:)

Archiwum:

Zaolziański blogi:

Nie-zaolziański blogi:

Śfiynta (part two)

czfortek 30.12.2004 23:59

Naszo babcia dostała pod choinke nowego mobila - staróm Nokie 3310. Mama (a zbytek rodziny też) rachowała, że babcia beje miała radość, bo do teraz miała staruchnego Alcatela, co myślym eszcze pamiyntoł połowe zeszłego dziesiynciolecia a było to na nim znać. Ale tu - niespodzianka. Ni że babcia nie była zachwycóno, babcia była skoro nasrano - że se zaś beje musiała zwykać na nowego mobila a czymu my ji nie dali sprawić tyn stary...
Także rodzinka zpoczóntku w lekkim szoku, ale wartko se my fspamiyntali a teraz babcia z każdej stróny słyszy, że mo o kupa lepszy mobil a jak se z nim lechko pracuje atp. A i choć ciynżko, ale zwyko se na niego, co je powiedziołbych pozytywne ni yny do naszej rodziny, ale ogólnie do całej ludzkości:) Bo bióronc pod uwage jak se za a) świat coroz wiyncy utechniczo (mój termin, myślym, że je dostatecznie zrozumiały:) a za b) populacja w Europie starnie - także beje trzeba, aby se emeryci umieli miyndzy sebóm sami smsnóć a domówić se na herbatce, bo młodych kierzi by to zrobili za nich, beje coroz miyni (dość smutne...:( I choć cały tyn proces nima do babci "bezbolesny", eszcze przedfczorym mi prziszła tako smska: "Irko, posli mi te ostatniom sms eszcze roz, niechcancy ja wymazalam" (Irka je moja ciocia:)

pewny link | komentarze (1)

Śfiynta (part one)

wtorek 21.12.2004 22:53

Tak se idym po ulicy, na lewo i na prawo zjyżdżóm wzrokym witryny, stanki a dalsze podobne śfiónteczne sprawy w poszukiwaniu podarunkowej inspiracji, aż tu naroz mój wzrok zahaczy o napis: 'Zbavení života ... 5 Kč'. Pore setnych sekundy szoku: Co to? Prosto na ulicy? W śfiynta?... No właśnie! Yny w śfiynta wóm go prosto na ulicy zabijóm, boroka karpia... Nimach żech wegetarian ani żodyn dalszy z rodziny zielónych, ani nimóm nic przeciw tradycji a z nióm zwiónzanym karpiożerstwym, ale jak widzym ty boroki narwane w tych ciasnych beczkach, w kierych skoro nima miejsce na wode, tak mie to kapke nuci se zastanowić - nieszło by to inaczy? Abych prowde prziznoł - u mnie nie szło. Hned mie zpatki porwoł wir przedśfióntecznych zakupów - i choć w moim wypadku ani tak nie szło o utracani, ale o wybiyrani darków (dokładniyj jednego a jeszcze dokładniyj ani ni śfióntecznego, ale urodzinowego - ja, umi se to gdosi urodzić...:)
Tak żech niechoł karpie jejich losowi a szłech omrknóć LEVNÉ KNIHY...

pewny link | komentarze (3)

PO STOPÁCH YETIHO za MANGYM a BANANAMI aż do Pardubic

niedziela 19.12.2004 20:40

...żech ficzoł w pióntek wieczór:) Aby uniknóć pomyłek: 'Po Stopách Yetiho' a 'Mango A Banány' to sóm nazwy kapelek. Ta drugo miała koncert na pożegnani (albo jak by se dało przetłumaczyć 'rozlučkový koncert'?) a w tej piyrszej groł mój kolega ze szkoły, kiery nas tam pozwoł. Byłch dość przijemnie zaskoczóny, za piyrsze tym, jak groł tyn mój kolega albo własćiwie tym jak (za)śpiywoł jednóm piosynke:) A po drugi, jak zaczli grać Mango A Banány - bomba:) Piyrsze mnie totalnie dostało, że typek kiery groł na saksofonie to praktycznie całe cióngnół, bo tyn saksofon był zamiast śpiywu, ale to wubec nie wadziło - raczy naopak! A potym żech skoro ogłuchnół z 20 min dwusola - przedstowcie se dwóch typosów, kierzi wroz walóm do perkusji ( = bubny do czech speakerów;) (a każdy do tej sfoji, aby niebyło pomyłek:) (jej, powtarzóm se..:) Prostie odlot, tak dobry pocit z muzyki żech uż dłógo nimioł...
Ja a eszcze jedno spostrzeżyni, nimóg bych se go odpuścić: Asi uż na mnie matfyz mu jaksi wpływ, bo inaczy se nierozymiym jak to, że se mi fszystki baby na tym koncercie zdały piekne...:) aktualizacja 4.1.2005 Kuknicie se na amaterski wideo z koncertu - jakość mierno, ale była tam dość ćma... A gdybyście widzieli te kamerke, kieróm to było nakryncane - wielkości moi 3310...:)

pewny link | skomentuj

Parzyni, parzyni, parzyni...

środa 15.12.2004 00:31

...to je śmierć. Ni yny tymu, że przi takim Quake'u 3ce (ewent. Battlefieldu) was zabijóm co pół minuty (ewent. co dwie) ale głównie se u tego wielki g***o nauczycie... Ja, je dobre se to uświadomić, ale... stejnie parzicie dali:) Że ja, Romciu?;)

pewny link | komentarze (4)

(nima) dziyń jako dziyń

czfortek 9.12.2004 21:50

Normalny dziyń matfyzaka - dopołednia jaksi cfika, obiod w menzie, popołedniu przednaszka (ta drugo bulnóto z powodów osobistych:), potym zakupy w Delvicie a wieczór komputerek a internet. Taki sobie dziyń powszedni.
Ale nigdy nima dziyń jako inszy dziyń, aji tyn dzisiejszy był czymsi wyjóntkowy. Oprócz tego, że se nikierzi odjechali na wycieczke do Anglii, tak insi zaś dokónczyli sfój blog:) Fszak widzisz sóm...:)

pewny link | komentarze (1)

konstruktywny dziyń

wtorek 7.12.2004 23:38

Sicech dzisio 1 przednaszke bulnół, ale wydrukowołch se ni zrowna chudziutki skripta, kiere na tyn przedmiot potrzebujymy a kiere niejdzie załatwić (ani nowe!) a głównie żech teraz wieczór mioł niecodziynnóm (pracownióm) kolacje - zapowiado se mi dość kupa ciekawej roboty na prziszły rok:)

pewny link | skomentuj

piyrfszy fpis

poniedziałek 6.12.2004 22:29

Mój piyrfszy wpis, jech kapke nerwowy, snad to nie spierdolym...:)
Właściwie ani teraz nimóm moc co rzyc, ledwoch tyn blog dorobił, także tymczasym nic ciekawego, ale prziszły roz to zacznie:) Tak se staw;)

pewny link | komentarze (6)

© fszystki fpisy sóm moje:) Chester